எதிர் வரும் ஸ்ரீஜய (2014- 2015) வருஷத்திற்கான பஞ்சாங்க சதஸ் காஞ்சி ஸ்ரீ சங்கர மடத்தின் ஏற்பாட்டின்படி, விஜய வருடம்,  ஆடி மாதம் 13 திங்கள்  & 14 செவ்வாய் ஆகிய இரு நாட்களில் நடைப்பெற்றது.

ஸ்ரீ காஞ்சி காமகோடி பீடாதிபதி மஹாஸ்ரீ. ஜெயேந்திர சரஸ்வதி ஸ்வாமிகள்,
மஹா ஸ்ரீ விஜயேந்திர சரவஸ்வதி ஸ்வாமி அவர்கள் அருளாசி வழங்கி பஞ்சாங்க சதஸை துவக்கி வைத்தார்கள்.

மூத்த வேத தர்ம சாஸ்திர விற்பன்னர்களும், சூரிய சித்தாந்தம், திருக்கணிதம் மற்றும் வாக்கியம் முறை பஞ்சாங்க கணிதக்ஞர்களும், பஞ்சாங்க வெளியீட்டாளர்களும் கலந்துக்கொண்டார்கள்.

தர்ம சாஸ்திர விற்பன்னர்கள் பஞ்சாங்கத்தில் இடம் பெறும் சிரார்த்திதி, விரதாதிகள், உபாகர்மா, பண்டிகை நிர்னயம் தொடர்பான சந்தேகங்களுக்கு சாஸ்திர ரீதியான தீர்வுகளை கூறி விளக்கம் அளித்தனர், அவர்களின் ஆலோசனை அடிப்படையில் பஞ்சாங்கம் கணிக்கப்பட்டு ஒப்புதல் வழங்கப்பட்டது.

இவ்வாண்டு தமிழக பஞ்சாங்க கணிதக்ஞர்கள் உட்பட கூடுதலாக கர்நாடக மாநிலத்தை சார்ந்த சூரிய சித்தாந்த பஞ்சாங்க கணிதக்ஞரும், தமிழகத்தில் வெளிவரும் தஞ்சாவூர் மார்துவ பஞ்சாங்க வெளியீட்டாளருமான ஸ்ரீ நரஸிம்ம ராவ் அவர்கள் சதஸ்ஸில் கலந்துக்கொண்டார்

மேலும் இலங்கை யாழ்பாணம் - மட்டுவில் நகரத்தில் இருந்து 126 ஆண்டுகளாக வெளிவரும் மிகப்பழமையான திருக்கணித பஞ்சாங்கத்தை கணிக்கும் சிவஸ்ரீ .சி. சிதம்பரநாத குருக்கள் அவர்களும் கலந்துக்கொண்டது சிறப்பான விஷயம்.

சதஸ் முடிவில் வேதவிற்பன்னர்கள் மற்றும் பஞ்சாங்க கணிதக்ஞர்களை ஸ்ரீ காஞ்சி காமகோடி பீடாதிபதி மஹாஸ்ரீ. ஜெயேந்திர சரஸ்வதி ஸ்வாமிகள், மஹா ஸ்ரீ விஜயேந்திர சரவஸ்வதி ஸ்வாமிகள் அவர்கள் அருளாசி வழங்கி கௌரவித்தனர்.

ஸ்ரீசங்கரமட நிர்வாகிகள் நிகழ்ச்சிக்கு தேவையான அனைத்து முன்னேற்பாடுகளையும் விரிவாகவும் மிகச்சிறப்பாகவும் செய்திருந்தனர். 

பஞ்சாங்க கணித மாநாடு
தகவல் & புகைப்படங்கள்
திருமலை - திருப்பதி

National Conference on
Panchanga Ganitha Sadas Photos
Tirumala - Thirupathi- 24,25,26 Dec 2010

2012 பஞ்சாங்க சதஸ் படங்கள் - Panchanga Sadas 2012 Photos